الأحد، يوليو 16، 2006

 

مسلسل مروحين هل ينتهى

فى ظل ترهل الانظمة العربية فى ظل افواه مكممة فى وقت اشتد فيه الضرب والكى بالنار على شعب وجزء من عروبتنا فى ظل ثورة مخفية واضحة اتية لا ريب فيها اكلة كل فاسد فى طريقها معالمها واضحة بدات فى عزة باختطاف جندى صهيونى خسيس وتواصلت فى لبنان باختطاف جنديين على يد عباد من عباد الله فى حزب الله بدات الثورة على هذه الثورة بالنار والضرب والمتواصل بالقنابل اللى حرمها البشر فيما بينهم بقتل حرمه الله بين عباده الا فى القصاص بدات الثورة المضادة بقيادة الصهاينة وكل العالم لمحاربة عباد الله
ونحن نقف صامتين على خطى من الجهاد وخطى من القعود فى البيوت لا نعرف ماذا نفعل لمساندة هذا الشعب المقهور الذى هو جزء من جسمنا وعقولنا وقلبنا كيف ندفع الظلم عنه ؟؟ كيف نساعد هذا الشعب ونسانده ؟؟؟
توجهت قلوبنا الى مناطق تدك دكا حتى انه كلما سقطت قنبلة كانها سقطت فوق عقولنا فاهتزت
انتبهنا لحظتها الى مدى ضعفنا الذى كنا نتباهى به على اساس انه قوتنا
تسالنا ماذا نفعل فى ظل هذه الظروف قرى تدمر عروبة تغتصب فماذا نحن بفاعلون
انصمت وتمر ايامانا كايام عادية ام نذهب للجهاد ام نتابع التلفاز ؟؟
تسالت وقد حيرنى السوال ولكنى وجدت الجواب وجدت الدعاء وهو اضعف الايمان
نساند به اخواننا الصمود الصبر فى معركة لا تتوازى فيها القوى ولكن ينتصر فيها من اتبع الهدى وسمع ربه العلى الكريم وفعل ما امره به الله باستحضار كل القوى فى مواجهة دبابات وجئافل وطائرات الصهاينة وصمتنا الذى حيرنا كثيرنا
فهيا بنا نخرج من الصمت ونستحضر القلب فى الدعاء لاخواننا مادام لا نستطيع ان نفعل المزيد
ندعو الله ان يساعد اخواننا فى محنتهم ان يرحم صغيرهم وان يعطى القوة لكبيرهم ان يثبت الاطفال والنساء والعجزة المرضى والسالمون
ان يثبت قلوبهم على ما يفعلون وان يقفوا فى وجه عدو كره الكثيرون ان يقفوا فى وجهه خوفا من عبدا مثله من طين وماء
ادعوووووا الله يا مومنين ادعو الله يا بشر من كل الملل موحدين الدعا ء بان يبقى كل منهم فى ميدان القتال ان يساعدهم الله
ويويدهم بنصر من عنده اللهم استجب دعائنا
لا تبخل فى ان تدعو لاخيك فلا تعلم ان كنت غدا فى نفس موقفه ؟؟؟

ادعوووووو والله المستجاب ادعو يا عرب لعل الله يكرمنا على يد عباده المستضعفين

السبت، يونيو 17، 2006

 

مفاجات كتيرة

السلام عليكم ورحمة الله وبركاته
استنونى فى دربكات جاية جديدة وخطيرة مهمة ليا وليكوا
هنتكلم فيها عن حاجات مهمة جداااااااااااااا ان شاء الله
زى..... ولا اقولكم استنونى انا جاى ان شاء الله بالتقيل كله

الاثنين، يونيو 05، 2006

 

كلمة للاعلام والاعلاميين قبل ان يحترق الطريق 2

السلام عليكم
انهاردة جايين تانى للاعلاميين والاعلام اقوى اداة فى الوجود وفى القرن العشرين والقرون اللى جايه كلها وفى الوقت الحالى
اتكلمنا فى المرة اللى فاتت عن الاعلام وطاللبنا الاعلاميين يا ريت يلتزموا الحياد
مع احترامى لكل الجرائد
فالشارع لا يحتاج لكبريت ليحترق فالشارع المصرى يغلى بجد وصدق من اعماقه حتى انه يوجد مثل يقول ان النار تحت الرماد لكن الان النار فوق الرماد او فى فوهة البركان فالشارع لا يحتاج لاظهار عيوب الحكومة لكن المشكلة فى جرائد المعارضة فى كلامها ضد الحكومة اصلا جرائد المعارضة من اسمها بتعارض الحكومة بس فى فرق بين المعارضة التامة والنقد للحكومة لكن المشكلة فى النقد الهدام زيادة عن اللزوم فانا من رايى البسيط ان الحكومة مش كل كلامها او افعالها وحشة ولا كل افعالها حلوة بس فى اكيد افعال كويسة للحكومة او محاسن ليها
فياريت جرائد المعارضة ترحمنا شوية والله الشعب بيغلى من جوه وبلاش كتر كلام على الفاضى والمليان وياريت نتكلم فى الحقيقة ونذكر محاسن الشى وعيوبه بس يا ريت وان شاء الله برضه هننقد بس هيكون نقد كويس
وربنا مع الشباب اللىبيقروا جرائد

الأحد، يونيو 04، 2006

 

عايز تثبت نفسك 1

السلام عليكم ورحمة الله وبركاته
مشاركة جديدة فى يوم جديد ودربكة ايضا جديدة ومتعبة بعض الشى لكن ان شاء الله هتكون مفيدة
احنا كشباب عايزين نحقق نفسنا ونحاول نثبت اننا احسن واحسن سواء للحصول على فلوس للعيش فى حياة مريحة او نثبت نفسنا للحياة فى معركتها ؟؟ فى طرق كتيرة بس فى طريق واحد هو اللى هيحقق لينا الحلم والنفس والذات يالا تابعونى
اتكلمت المرة اللى فاتت عن الشباب ومش عارفين يعيشوا بس المرة دى هنتكلم عن الشباب وازاى يعيشوا
الشباب تايهين زى ما قلنا مش عارفين يرحوا فين ولا يتكلموا مع مين ولا حتى يحلموا ازاى وده موضوعنا انهاردة الشباب كلنا بالطبع حاسسين ان الظروف اقوى مننا لكن لم ندرك مرة او جايز ادركنا ولكنا توهمنا عدم الادراك اننا اقوى من اى ظروف المهم بس نشغل دماغنا واحنا هننجح ان شاء الله
طب ازاى هنشغل دماغنا ده الدنيا على راى احمد عدوية زحمة يا دنيا زحمة
لكن فى راى يا شباب من رايى الشخصى ان مشكلة الشباب تتلخص فى الاتى
مش عارفين عايزين ايه ؟ وليه احنا عايزين الشى ده بالذات وايه اللى ممكن من خلالها نحقق الشى ده و ايه اللى محتاجه الشى ده مجهود مننا كدراسة مثلا وامتى نقدر نكون حققناه ونقول اننا احققنا حلمنا ؟؟؟
يا ترى انتا كشاب قبل ما تحاول تحقق اى حلم وتثبت نفسك فكرت فى الحاجا ت دى يا ترى فكرت فى الوقت والمجهود ولا مجرد تفكير فى حلم لتحقيقه وهل فكرت فى
النفع الذى سيعود عليك لتحقيق حلمك
وتابعونى ان شاء الله فى المشاركات الجاية

الجمعة، يونيو 02، 2006

 

كلمة صغيرة للاعلام والاعلامين

عندما تفتح صحف الحكومة تجد الحياة وردية ولكن عندما تفتح صحف المعارضة تجد الحياة سوادء بجميع الخطوط والمانشيتات
بعض الصحف تستغل الفرقعة الصحفية والبعض يعبر عن الحقيقة والاخر لا يعبر عن الحقيقة ولا يمت له بصلة
لكن الشباب تائهون فى مين اللى هيثقوا فيه يا ترى الحكومة بورديتها ولا المعارضة بيوحشيتها ولا الصحف الصفراء ببعدها عن الواقع ؟؟؟؟
بس هاقول ايه مش الشباب بس هما اللى فى حيرة ده الكبار برضه
ومن خلال قراتى للجرائد وجدت بعض صحف المعارضة تكثر من الكلام والتشويه فى الحكومة لا اعمل لماذا؟؟
الناس تريد الحقيقة وكلنا نحاول ان نثبت ما فى عقولنا لكن فى فرق بين الحقيقة والصواب فالصوبا هو الصح اللى مفروض يتم اما الحقيقة فممكن تكون حاجة انا شايفها حقيقة وهى سراب لكن اللى نفسى بجد اشوفه فى الصحف الصواب وليس حقيقة كل ما يراه بعض الاشخاص
فانا اعيب على بعض صحف المعارضة التشدد تجاه الحكومة اما صحف الحكومة فلا نعيب عليها لانها فى غيبوبة اما صحف المعارضة لا نريد منها سوى الصواب وان نذكر محاسن وعيوب الحكومة وليس التركيز على السيى فقط

 

فين الشباب ؟؟؟؟؟

فين الشباب ؟ وليت الشباب يعود يوما وراح زمن الشباب وغيره من الكلمات والجملة اللى بنسمعها
لكن فعلا فين الشباب هما ذات نفسهم بيسالوا عن ده فين الشباب والصحة والطموح والنشاط والكبرياء والتهور والحنان والحب
فين كل ده اليومين دول؟؟؟؟؟؟
محدش عارف الشباب مش لاقيه نفسها احلامها كتير بس مش عارف تحققها مش عارفين ليه يا ترى العيب فى الظروف ام فينا ام الحكومة ام فى النظام العام لا ندرى وقفنا كالاموات نشاهد الشباب وهم يحتضرون ولا نسعفهم ؟؟؟؟!!!!!!!
منذ ان كنا صغار واحنا سامعين انناجيل المستقبل لكن فين المستقبل فى بلد لا تعرف المستقبل لا تعرف الامل لا تعرف النور لا تعرف سوى الديكتاتورية لا تعرف سوى الظلم لا تعرف سوى الاستبتداد لا تعرف اى شى عن العلم والانسانية سوى ان العلم هو ما نسخر به البشر والناس من حولنا والانسانية لا نعلم عنها شى سوى انها البشرالذين يخدمون من فوق السلطة وفوق روسنا
فاين من المحتمل ان يكون الشباب وان ينهضوا ببلد لا تعترف بهم اين يمكن ان يكون ؟؟؟!!!
ليس لهم مكان سوى غرف الشات المملة او الغرز والبانجو والحشاشين
او على نواصى الشوارع وبعدين جاى تنادى على شباب المستقبل اين هم ؟؟؟؟
بعدما اهملتهم فلنترك الشباب يحلم ويجرى ويلهو مثل كل الشباب من حولهم اتركوا الشباب يعيش مثل مالط مصطفى وعلاء سيف الاسلام ومحمد الشرقاوى والفيل وعبير العسكرى وكريم الشاعر وغيرهم من الشباب الذين يحاولون اماتة الظلم واحياء الحق نشر النور وتضيق الخناق على الظلام فاتركوهم
عاملوا الشباب بانسانية لا كمجرد حيوانات صغيرة اليفة
فالنمر لا يمكن تروضيه ولا يمكن استنئناثه فمهما كان يدين لك بالولاء والطاعة فان ضربته او اهنته لن يسكت لك
فاحترس فالنمور قادمة وارجو ان تفهموا هذا يا من تظنون انفسكم فوق ولكن فى اسفل النار وسوف تلتهمكم ولن نرحمكم

 

فين الشباب ؟؟؟؟؟


الأربعاء، مايو 31، 2006

 

دربكة كلاكيت تانى مرة

ايه رايك فى الدربكة الاولى ؟؟؟؟
دربكة تانى ايه رايك ؟؟
كل يوم احنا بنقف قدام المرآة اكتر من مرتين تلاتة سواء بتعدى عليها مصادفة او بتروح مثلا تسرح شعرك او تظبط ملابسك قبل ما تخرج او تروح تبص على وشك فى المرآة وكيف الحياة اجهدته
طب بص ايه رايك نعمل انهاردة مراية جديدة ليك انتا مرايه تشوف فيها نفسك كويس
بدل وعلى فكرة دى مراية ليك انتا بس يعنى محدش هيشاركك فيها 1زيط فى البيت انك عملت مراية جديدة طبعا لما يلاقكوا كده هيقولوا ن سيادتك اتجننت خليك صابر
واصبر ووريهم ان من يضحك اخيرا من يضحك كثيرا
2-قف قدام الحيطة وعلى المراية الجديد ة
بص للمراة كويس وركز اوى
طب بعد لما هتركز هتتجن وتقولى(ايه يا عم انتا عايز تجننى ما انا لسه زى ما انا ايه اللى اتغير؟؟؟)
ب اسمعنى للاخر ركز بس كويس يا ترى انتا شايف ايه قدامك فى المراية يا ترى شايف المراية سليمة لا فيها شروخ ولا متكسرة
طب لو متكسرة هنعمل ايه ولو سليمة هنعمل ايه ولا مشروخة هنعمل ايه؟؟
طب واحد يسال يا ترى السليم برضه ليه مشكلة
طبعا السليم فيه مشكلة انه مغرور ومش شايف نفسه كويس يبقى محتاج يجيب نظارو كويس كعب كوباية ويشوف نفسه كويس فيها يمكن تنفع لان مفيش انسان كامل ازاى انتا تبقى مرايتك كاملة فهمنى

 
السلام عليكم
ازيكوا يا شباب ؟؟؟؟
مش قلنا دربكة يبقى نبدا دربكة
دلوقتى معانا دربكة اتمنى انها تكون لذيذة على
قلبكوا بس فى تحذير اللى مريض او متعقد او اللى عنده القلب لا قدر الله او الضغط او السكر كفانا وكفاكم الله الشر
اوبالنسبة للسيدات الحوامل بلاش يقراوا احسن ومحدش يقولى انى محذرتوش
ندخل فى الموضوع بقى
اولا احنا كلنا كشباب متعقدين من حياتنا من الظروف من المعيشة وكلنا بنشتم فى الحياة وفى الدولة وفى الحكومة وفى كل حاجة من حولنا يمكن كمان بنشتم الهواء لو كان حر لكن يا ترى محدش فكر احنا ليه اصلا هنا موجودين؟؟؟؟؟!!!! يمكن كتير يستغربوا ليه احنا موجودين
يا ترى ده هيكون سوال ده سوال عبيط لكن الرد بقى لا للاسف مش سوال عبيط انتا هتقول انتا موجود عشان تعبد ربنا
وفى اللى بيقول اننا فى الدنيا مجرد اختبار واننا هنعيش حياتنا كل على حسب اراءه ومعتقداته واحنا مش عايزين نتكلم فيهم
لكن ليه مفكرتش ليه ربنا سبحانه وتعالى ارسلنا للارض وخلانا بشر ايه السر ايه الرسالة
ايه رايك نفكر ونفكر ونفكر كتير وابقى ابعت لى ارائك على الايميل؟؟؟؟؟؟ lifecairo@hotmail.com
هاستنى ردودكم ان شاء الله

الثلاثاء، مايو 30، 2006

 

دربكة ليه؟؟؟ وازاى ؟؟؟

السلام عليكم ورحمة الله وبركاته


دربكة صح؟ ايوا هو الاسم صح دربكة متقلقوش انتوا مش غلطانين فى الاسم


طب ليه دربكة يمكن ده السوال هو يا ترى حد فينا ناقص دربكة ؟؟؟

هاقولك ليه دربكة بص حضرتك اولا لو بصيت لحياتنا كلها دربكة بص من حوليك هتلاقى دربكة فى كل حته

واحنا هنا هنتكلم عن الدربكة اللى حولينا بكل هدواة هنتناقش وهنتكلم ان شاء الله

This page is powered by Blogger. Isn't yours?